Wiodro jistné jak na Zjôzdze w Lãbòrgù, skòpicą atrakcjów, bòkadny ksążkòwi bédënk, wiele stojiszczów z jestkù ë pitkù, bëlnô mùzyka na binie (chòc jakno gwiôzdã wieczoru, jô bë widzôl kaszëbsczé karno) – hewò taczi to béł nen latosy Kaszëbów Zjôzd…
Òglowò dôwajã 5 a pól.
XVIII Zjôzd Kaszëbów. Wdzydze 2016
Uffff… Móm przeżëté pòstãpny Midzënôrodny Zjôzd Kaszëbów. Dlô niechtërnëch XVIII-ti, dlô mie XVI-ti. W Chònicach a na Hélu jem nie béł 🙁 We Wdzydzach atrakcjów wiele! Kò to Dzień Kaszuba, temù chòcbë rëbną zupã mógł zjesc, a pòtemù dac sã na Kaszebszci Rodeo. Tã nawetka robią Kaszëba w drewnie! Lëdzy z rozmajitëch strón sã najachało jak wiedno skòpicą a jesz wicy. Drãgò òbrachòwac, kò rozlazło sã towarzëstwò pò nórtach skansenu. Fëst grzało, òsoblëwie pòd nym wiôldżim celtã, dze bëła biesada, temù béł jem czerwiony na gãbie colemało jak jaczi wieszczi. Wiesoło bëło, grałë rozmajité mùzyczné karna (wedle mie nôlepszi bëlë Zgriwańce) a nawetka wëstąpił jeden kabaret KWG. Móm nôdzejã, że kòńcertë Pawła Ruszkòwsczégò, Werónczi Kòrthals, Damroczi Kwidzyńsczi i Natalie Szroeder bëłë ùdałé, kò mùszelë më z białką rëchli jachac do Wejrowa. Do ùzdrzeniô za rok w Rëmi.
Kùńc plestaniô, niżi òbezdrzëta so òdjimczi… Continue reading “XVIII Zjôzd Kaszëbów. Wdzydze 2016”
XVII Zjôzd Kaszëbów. Réda 2015
Hëc a z grëpą nôrodu – tak w pôrã słowach mòże òpisac XVII Zjôzd Kaszëbów w Redze… Niżi czile òdjimków, òne wicy gôdają jak słowa.
XVI Zjôzd Kaszëbów. Gduńsczi Pruszcz 2014
Pò latosym Zjôzdze w Gduńsczim Pruszczu nodżi bòlą… Donąd a nazôd a jesz rôz, a jesz rôz, a jesz rôz… Nômni dwa kilo mni – nié le òd chòdzeniô. Faktoriô dobëtô, ale bëlno nie pòznónô. Mdze òrãdz, żebë jesz rôz przëjachac. Knéra tobaką zasztopónô. Nagôdóny, wëkùszkóny a wëscëskóny jem za wszëtczé czasë. Kąsk rozmajitëma fizmatentama òbkùpiony, np. zégro-bùdlo-Remùsã. Mléczné Krusze jesz dopiérze òczë pasą, szmakanié mdze pózni. Na binie Paweł Ruszkòwsczi czarził a jeden bëlny mùzykańta z Lëzëna pòkôzywôł Klasã w banie. Ta bëła përznã lózô, ale jak wiedno wiesołô – pòzdrówczi dlô Chòniców, Lëzëna a Łodze. Nie wiém czemù sztótama kòlibało!
Continue reading “XVI Zjôzd Kaszëbów. Gduńsczi Pruszcz 2014”
XV Zjôzd Kaszëbów. Wiôlgô Wies 2013
Pewno nëch, co z latoségò Zjôdu są zadowòlony je tak wiele… jak nëch, co jima sã nie widzało. Prezydeńta, Kaszi Cëchòpk jem nie widzôł, Natalczi Szrédrowi téż nié – kò pòd binã jô za wiele nie chôdôł. Rôz béł jem za biną, pòd kòscołã, dze wlôlë mie rëbną zupã. Fejn szmakała, chòc zup jô nie lëdóm. Mòże to zrobiło, że jô béł fëst wëgłodniałi. Stojiszczów, jak wiedno, skòpicą. Sprzedôwcowie, mëszlã, bëlë rôd, że Kaszëbi to nie taczi wiôldżi knywce, jak ò nich pòwiôdają. Z tim sã pògôdało, z ną wëkùszkało, tã sã co kùpiło, dze jindze le òczë napasło… a tëli. Do ùzdrzeniô za rok, leno dze? Gôdelë co ò tim?
XIV Zjôzd Kaszëbów. Sopòtë 2012
Reno deszcz, òb wieczór deszcz. Midzë deszczã hëc. Transcassubia za 5 złotëch. Mòlo za 3,50. Szaliczi za 20 na gòrączkã. Brëlë za 5 na słuńce. Pòmòrénczi. Lord Vader. Czôrno-żôłto, farwno. Cëż tu sã dzeje? Fanë na szasëjach wieszóné krótkò przed Zjôzdã (pewno téż flot zjãté). Sopòt wëpiãti? Rozmajité ôrtë mùzyczi. Dwie binë. Bëlny wëstãp Verë, Kabaretu Kùńda ë karna Bliza. Stojiszcza. Òblãżony Kòcewiôk Wòjcech Cejrowsczi, co nijak pò kaszëbskù nie rozmieje :-O Zjôzd „rozdrzucony” pò miesce. Dalek do zjestkù 🙁 Zjôzd dżinący w hùrmie letników 😉 Zéńdzeniô, kùszkanié, rãków scëskanié, gôdczi a spiéwczi. Tobaka. Piwò, sznaps. Baszka. Bëlnô zabawa. Òd mie 4 a pół! 4 za òrganizacjã, pół do rozpicô dlô nëch, co pò XIV Zjôzdze mają kaca.
XIII Zjôzd Kaszëbów. Lãbòrg 2011
XII Zjôzd Kaszëbów. Pùck 2010
Pòdsëmòwanié: bëlné wiodro, bana napchónô, dwie binë, wiele fejnëch lëdzy, farwno, spòntaniczno, wiesolo, super wëstãpë The Damrockers, CSB, Weroniczi Kòrthals, Skaldów…, bëlo dze a co zjesc ë wëpic… Wszëtczégò jem nie widzôl a nie czul, temù mòżeta smialo kòmeńtowac, co sã Wama widzalo, a co nié 🙂
Tu nalézeta teledisk do Pùcczi frańtówczi: http://www.youtube.com/watch?v=An7dUmluoZk&feature=related
Òbezdrzeta jak bëlo:
XII Zjôzd Kaszëbów. Pùckô frańtówka
Na latosy Zjôzd Kaszëbów, jaczi mdze 26 czerwińca w Pùckù napisôł jem taką frańtówkã:
Czej rôz Jezës sztrądã szedl
Do rëbôka Piotra rzekl:
„Pùckôj za mną drëchù mój” –
stąd sã wzãla pòzwa Pùck
Ref.
Pòjta, pòjta tu do nas
Pùck serdeczno rôczi was
Pòjta, pòjta tu do naju
Pùcónie witają waju
Pòjta wszëtcë na nen rum
Dze zapadli w zemi zómk
Òbezdrzeta stôri rénk
Pùcczi Plëtë pëszny brzég
Chtëren chce Kaszëbą bëc
Mùszi wëbrac sã na zjôzd
W Pùckù egzaminë zdac
Wãgòrzowi kùsa dac…
Mùzykã ùlożił Tadeusz Kòrthals a spiéwają Manijôcë.
Pòsłëchôjta: pucka frantowka
Chto mô chãc zaspiewac wicy dlô tegò jesz czile sztrofków: Continue reading “XII Zjôzd Kaszëbów. Pùckô frańtówka”