„Cëchô” Nataliô

Piesnią „Cëchô wòda” Nataliô Szroeder dobëła program Szónsa na sukces, jaczi béł wëemitowóny 13 strëmiannika w TVP2. Gratulacëje!
Mëszlã, że cësk na rozsądzenié jury miało téż wëkònanié bez Nataliã piosenczi pò kaszëbskù ò brzózce.
Wëstãp Natalie mòże òbezdrzec tuwò.

Biôtka na głosë i Szansa na sukces

Biôtka na głosë i Szansa na sukces to je kaszëbskô sobòta i niedzela…
W sobòtã 12 strëmiannika karno spiéwôków pòd przédnictwã Maceja Miecznikòwsczégò z Pòbłocégò zaprezentëje sã w Biôtce na głosë. Pòczątk programù gòdz. 8 wieczór na TVP2. Żlë mdze Wama sã widzôł wëstãp naszich sélôjta SMS-ë!

Zôs w niedzelã 13 strëmiannika włączëta krajewą 2 ò 3.25. W programie Szansa na sukces wëstąpi Nataliô Szreoder z Parchòwa, chtërnô mdze spiéwa piesniã z repertuaru Marilë Rodowicz.

Pomerania 3/2011

II Òrmùzdowô Skra 2010 – fotoreportaż Beaty Sulickiej
III Pomorze. Mała wielka ojczyzna – zdjęcia z albumu Piotra Januszewskiego
IV Reklama CSBTV

1. Spis treści

2. Od redaktora
Poprzedni spis powszechny był nieudany. Prawdę wyparł fałsz. A stało się tak dlatego, że niewłaściwie sformułowano pytania. Kaszubi nie mogli zadeklarować swojej przynależności etnicznej. Kazano im wybierać: Polak czy Kaszuba? A rezultat był taki, że – jak można przeczytać w tym numerze – w gminie Kościerzyna, w 35 wsiach okalających miasto (ono samo ma status odrębnej gminy), doliczono się wówczas… 303 Kaszubów wśród ponad 12 tysięcy mieszkańców. Wolne żarty – powie ktoś. Nie, to wynik Narodowego Spisu Powszechnego Ludności i Mieszkań w 2002 roku, z którego wynikało, że wszystkich Kaszubów jest pięć i pół tysiąca.
Urzędnicy-statyści nieraz podkreślają, że w spisie chodzi o co innego, o odpowiedź na pytania, które są ważniejsze ze społecznego i gospodarczego punktu widzenia niż te związane z narodowością, językiem regionalnym, mniejszościami narodowymi i etnicznymi. Tymczasem choćby możliwość wprowadzania dwujęzycznych polsko-kaszubskich tablic informacyjnych z nazwami miejscowości zależy właśnie od wyników spisu. Prawo takie przysługuje gminom, w których co najmniej 20 proc. mieszkańców zadeklarowało swoją kaszubskość; gdzie indziej potrzebne są żmudne i kosztowne konsultacje społeczne. Continue reading “Pomerania 3/2011”

Jihaha

Kaszëbsczé Artisticzné Duò, to je Tómk Fópka ë Riszard Bòrisónk, wëdało swòją pierszą platkã pt. We Dwa Kònie. Do platczi na jaczi nalazło sã 29 piesniów, doparłãczonô je ksążeczka z tekstama, jilustrowónô òdjimkama Sławòmira Czaleja. Mie nôbarżi widzy sã piesniô Kaszëbi w Europie – je to czëstô prôwda ò dzysdniowim swiece. Bédëjã serdeczno.
Wëdôwcą platczi je Kaszëbskô Artisticznô Agencjô a nôgraniô zrëchtowało North Studio z Pôlczëna.
Wicy ò platce mòże przëczëtac tuwò

Smãtkòwô spiéwa

W Spòdleczny Szkòle w Lëzenie, 18 strëmiannika (piątk) ò 7 wieczór, z leżnoscë Dnia Jednotë Kaszëbów, mdze premiera dokôzu pt. Smãtkòwô spiéwa zrëchtowónô bez Téater Zymk. Autorã scenarnika ë reżiserã szpetôkla je Adóm Hébel.

Cëż to mdze za téater, miôł jem leżnosc sprawdzëc na próbie, jakô bëła 25 gromicznika. Zapòwiôdô sã baro czekawie. Tuwò czile òdjimiãców: Continue reading “Smãtkòwô spiéwa”

Biôtka na głosë

Wczerô (23 gromicznika) mógł òbezdrzec na 2 kanale TVP repòrtôż z wëbiérczi do nowégò mùzycznégò programù pt. “Biôtka na głosë. Lëdzy do swòjégò karna przësłëchiwôł Macéj Miecznikòwsczi rodã z Pòbłocégò w wejrowsczim krézu.
Zarôzka na zôczątkù mógł ùczëc kaszëbską gôdkã w wëkònanim Miecznikòwsczégò ë białczi w strzédnym wiekù, chtërnô zaspiéwała jedną z kaszëbsczich lëdowëch piesniów. Wszëtkò fejn, leno realizatorzë negò repòrtażu zôs „pòjachalë” stereòtipama: Chto gôdô pò kaszëbskù? Lëdze stôri a w strzédnym wiekù. Jakô je jejich ùlëdónô mùzyka? Lëdowô! Czemùż nie pòkôzelë niżódnégò młodégò Kaszëbë? Kò wiedzec je, że w programie wëstąpią chòcbë Tómk Fópka ë Weronika Kòrthals-Tartas, a ti do starszëch doch nie nôleżą 🙂
Premiera “Biôtczi na głosë” mdze 5 strëmiannika. Czekawé cëż to téż mdze. Na gwës czile esemesów na “najich” nót mdze wësłac.

Skrë rozdóné

Latos sëpnãło Òrmùzdowima Skrama – nôdgrodą miesãcznika Pòmeraniô, przëznôwóną òd 1985 r., dlô lëdzy ë jinstitucëjów za brzadné spòlëznowé dzejanié na regionalny niwie. Za rok 2010 redakcyjné kòlegióm przëznało jich jaż sétmë.
Wrãczenié wëprzédnieniów bëło 21 gromicznika w Stôromiesczim Rôtëszu we Gduńskù. Rozegracëjã zaczął ks. Róman Skwiercz czëtającë wëjimk z pòwiescë Aleksandra Majòwsczégò Żëcé ë przigòdë Remùsa. Tej Andrzéj Bùsler, zôstãpca przédnégò redaktora Pòmeranie, przedstôwiôł żëcé ë dokôzë laureatów, westrzód chtërnëch bëlë: Krësztof Garstkòwiôk – regionalista z Òsłonina, Jadwiga Hewelt – szkólnô z Przódkòwa, Kòcewskò-Kaszëbskô Dãtô Òrchestra Torpeda, Tadeusz Kòrthals – gwôscëcel nagraniowégò sztudia w Pôlczënie, Henrik Mùsa “Kòt” – pòéta, Wëdôwizna Region Jareka Éllwarta, Riszard Sylka – bùrméster Bëtowa. Wëprzédnieniô nôdgrodzonyma wrãcziwelë przédny redaktór Pòmòranie Édmùńd Szczesôk ë przédnik redakcyjnégò kòlegióm prof. Wiktór Peplińsczi. Asystowa jima prowadzącô jimprezã Lucyna Radzymińskô. Mùzycznym akceńtã béł wëstãp Kaszëbsczégò Artisticznégò Duo We Dwa Kònie, w składze Tómk Fópka – spiéw, Riszard Bòrisónk – akòrdión, chtërny wëkònelë sztërë kabaretowé piesnie.

Tuwò czile òdjimniãców: Continue reading “Skrë rozdóné”

Bògùsława ò Złim w mùzeum

Hewò tekst Bògùsławë Labùddë wëgłoszony na òtemkniãcym wëstawë Diabły w kulturze Kaszub.

Witôjtaż, Kaszëbi kòchany!
Bãdzta pòzdrowiony!
Do waj gôdô Strëpów Gùstk
– Radny z wejrowsczich pùstk.
     Słëchôjta: to nie je prostô sprawa
     Zrobic diôbłóm wëstawa.
    I to gdze?!
    W swiãtim Wejrowie!
    Kalwarie, klôsztor francyszkańsczi,
    A w pałacu… òrgie szatańsczé.

Continue reading “Bògùsława ò Złim w mùzeum”

Diôbłë w swiãtim miesce

Temù, że jô sã prawie kaszëbsczima krëjamnyma mòcama jinteresëjã, to we wtórk 15 gromicznika zjawił jem sã w swiãtim miesce Wejrowie a dokładno w Mùzeum Pismieniznë ë Mùzyczi na òtemkniãcym wëstawë pt. Diabły w kulturze Kaszub.
Diôbłów nalôzł jem na ni skòpicą, òsoblëwie nëch zaczarzonëch w òbrzãdowim jinstrumeńce diôbelsczich skrzëpcach, chtërné zbiérô Tadeùsz Makòwsczi z Chmielna. Òn to razã ze swòją kapelą Pleskòta wiesoło przëgriwôł zeszłim a czekawie òpòwiôdôł ò pòchôdanim skrzëpiców.
Szpòrtowno a wiérztã ò diôbelsczich ë czarowniczich sprôwkach pòwiôdała ekspertka òd złich mòców Bògùsława Labùdda (tekst je tu). Zôs autorka wëstawë Jiza Bùkòwskô dedikòwa jã… swòjémù szefòwi – direktorowi mùzeum.
Pò diôbelsczich òpòwiescach mógł jesz pòszmakac smãtkòwëch plińców, czôrcégò żercô pùrtka, diôbelsczich kòpetków a pòpitczi diôbła kaduka, jaczé przërëchtowełë… aniołë z Kòła Wiesczich Gòspòdëniów w Górnym Rekòwie. Jestkù bëło ale smaczné (!), na żôłądkù nie òbległo, leno tam-sam chtos pò nim na zdrowié so… pùrtnął.
Króm rozmajitëch pòstacëjów diôbła, nié le kaszëbsczégò, ale téż negò z Łãczëcë, na wëstawie pòtkac sã mógł z czarownicą ë wieszczim, jaczi w zarkù leżi. Le ni miéjta strachù głowã mô òdcãtą temù òn nikòmù nick lëchégò nie zrobi.
Òglowò wëstawa diôblo fejnô, chòc na gwës niejeden smãtk bë fele nalôzł… ale do pùrtka z nima.

Tuwò czile òdjimków:
Continue reading “Diôbłë w swiãtim miesce”

Ne starnë ùżëwôją kùszków (an. cookies). Przezérając je bez zjinaczi ùstôwù przezérnika dôwôsz zgòdã do jich spamiãtëwaniô.