Pësznô noc, snôżô noc, swiãtojóńsczi kwiat parpacë dzys rozkwitô – jak stôrosłowiańsczi zwëk kôże biôjta gò mùlkòwie szukac!
Jakòs to bãdze
Bùrméster Brzëchôłk – pón a rządca starodôwnégò gardzëkù leżącégò nad Pùcką Plëtą nen cë mô wiele na głowie. Nie jidze tuwò ò włosë, bò nëch do czosaniô mô le piãc, leno ò sprawë do załatwieniô.
Jakno bùrméster mô jich tësącpiãsetstodzewiãset a jesz wicy. Psë smrodzą – gównianô sprawa do załatwieniô. Socjalné mieszkaniô – sprawa do załatwieniô, zó co je wëbùdowac. Głupi radnélcowie – sprawa do załatwieniô, jak ną jejich głëpòtã z mądroscą Brzëchôłka pògòdzëc. Pitowie na rénkù – sprawa do załatwieniô, dze jich schòwac, czedë letnicë przëjadą. Smiecë – sprawa do załatwieniô, jak je sprzątnąc. Dzurë w drogach – sprawa do załatwieniô, jakùż je zasztopac. Continue reading “Jakòs to bãdze”
Nôrówniészi, równiészi a równi
Kandidacë na prezydeńta RP wanożą pò Pòlsce. A za nima nëkają reportérzë rozmajitëch telewizjów z kamérama a mikrofónama. Kandidacë gôdają, rozprôwiają, przemôwiają, plestają, pleszczą, pò chrzebtach wëbòrców klepią, rãce scëskają, pëszno sã ùsmiéchają, cëda òbiecëją – a kamérë no wszëtkò rejestrëją. Continue reading “Nôrówniészi, równiészi a równi”
Kònkùrs!
Welujta na blog Marka Wantoch Rekòwsczégò w kònkùrsu na nôpësznészi fòtoblog!
Wicy wiadłów nalézeta tuwò.
Pùckô frańtówka
Na latosy Zjôzd Kaszëbów, jaczi mdze 26 czerwińca w Pùckù napisôł jem taką frańtówkã:
Czej rôz Jezës sztrądã szedl
Do rëbôka Piotra rzekl:
„Pùckôj za mną drëchù mój” –
stąd sã wzãla pòzwa Pùck
Ref.
Pòjta, pòjta tu do nas
Pùck serdeczno rôczi was
Pòjta, pòjta tu do naju
Pùcónie witają waju
Pòjta wszëtcë na nen rum
Dze zapadli w zemi zómk
Òbezdrzeta stôri rénk
Pùcczi Plëtë pëszny brzég
Chtëren chce Kaszëbą bëc
Mùszi wëbrac sã na zjôzd
W Pùckù egzaminë zdac
Wãgòrzowi kùsa dac…
Mùzykã ùlożił Tadeusz Kòrthals a spiéwają Manijôcë.
Pòsłëchôjta: pucka frantowka
Chto mô chãc zaspiewac wicy dlô tegò jesz czile sztrofków: Continue reading “Pùckô frańtówka”
Kaszëbistika na GÙ
Do 6 lëpińca mògą skladac papióra ti, co chcą sztudérowac pòlską filologiã ze szpecjalizacją kaszëbistika.
Wicy dowiéta sã na starnie Gduńsczégò Ùniwersytetu ë w tim môlu.
Żebë jô béł młodszi, tej jô bë wiele nie rozmëslôł… 🙁 Temù mùszã cerplëwie żdac na zaòczné sztudija – mòże w kùńcu GÙ je zrëszi.
Pomerania 6/2010
II. Zapomniane pieśni Kaszub
Do czerwcowej „Pomeranii”, która właśnie się ukazała, została dołączona niezwykła płyta
Zawiera 98 tradycyjnych pieśni, nagranych w latach 1950-1952 na Kaszubach, w czasie Akcji Zbierania Folkloru, i przechowywanych w Instytucie Sztuki Polskiej Akademii Nauk. Są to najstarsze zachowane nagrania dźwiękowe, dokonane na Kaszubach. Grupa zbieraczy (a byli wśród nich Paweł Szefka, Jan Rompski, Jan Trepczyk) spotkała dużo muzykalnych rodzin, śpiewaków i instrumentalistów, którzy pamiętali jeszcze wiele tradycyjnych pieśni i melodii. Ukazują one Kaszubów, jako lud muzykalny, rozśpiewany i cieszący się własną pieśnią i muzyką.
Dzięki porozumieniu Instytutu Sztuki PAN i Muzeum Zachodnio-Kaszubskiego w Bytowie część archiwum przegrano na nośniki cyfrowe. Płyta Cassubia Incognita jest jednym z efektów tego przedsięwzięcia. Może stanowić znakomite źródło inspiracji dla współczesnych twórców.
Szerzej o płycie na stronach 41-43. Continue reading “Pomerania 6/2010”
Krëjamnô dzura
W kartësczim pòwiôce je snôżô, wiôlgô, kaszëbskô wies. Wies zwie sã Sëlëczëno. Kòle ti wsë je wiôldżi las. W lese, jak to w lese wiele drzéwiãtów ë wiele zemi. A w ti zemi wiôlgô dzura. Krëjamnô dzura! Pòjawiła sã òb zymk nie wiedzec czedë ë jak. Pewno wa ò ni czëła, bò slédnym czasã wiele ò tim w gazétach bëło pisóné a w radio i telewizje pòwiôdóné. Continue reading “Krëjamnô dzura”
Stolemë 2010
31 maja w Stôromiesczim Rôtëszu we Gduńskù òdbëła sã ùroczëzna wrãczeniô Medalów Stolema przëznôwónëch bez Sztudérsczé Karno Pòmòraniô.
Latosyma Stolemama òstalë: dolmaczéra Swiãtëch Pismionów z òriginalnëch jãzëków na kaszëbsczi o. Adam Sykòra, ë achtor, pisôrz, dolmaczéra Zbigniew Jankòwsczi. Do karna Stolemòwców wprowadzëła jich Stolemka z 2006 r. Witosława Frankòwskô.
