W òkòlim Gód to sã prawie za nyma Gòdama pò rozmajitëch gazétach sznëkrëje 🙂 Hewò cos z „Kaszub” dodôwkù do „Gazety Kartuskiej” z 1937 rokù – dwa òpisënczi negò pësznégò czasu: zwëczi z òkòlégò Chmielna a Hélu:
Wszëtczima bëlnëch Gód!
Róman Drzéżdżón | Roman Drzeżdzon
Hewò, przed wilëjną wieczerzą wstawiã jesz dzélëczi artikla „Wigilja Bożego Narodzenia na Kaszëbach” aùtorstwa rodzonégò w Strzelnie na nordze Kaszëbsczi, szkólnégò a folkloristë, Jana Patocka (1886-1940).
Ò wilëjny wieczerzi:
Në tej, niech w ną cëdną noc, zjiscą sã Waju wszëtczé snieniô. Wszëtczégò bëlnégò na Gòdë!
Jidą Gòdë, tej cos… w klimace „Kaszëbsczich nótów”. Leno braknie òbrôzków 🙁 Mòże chtos bë je domalowôł?
GWIÔZDKÒWÉ NÓTË
To je krótczé, to je dłudżé, to wilëjnô wieczerza.
To są Gwiôzdczi, to są dzôtczi, to sniegòwô je smiota.
Nazôd: Sniegòwô je smiota, Gwiôzdczi, dzôtczi, krótczé, dłudżé, to wilëjnô wieczerza.
To je kùgla, to je danka, to ze żłóbka je grósc sanka.
Nazôd: Grósc je sanka, kùgla, danka, sniegòwô je smiota, Gwiôzdczi, dzôtczi, krótczé, dłudżé, to wilëjnô wieczerza.
To je aniół, to je wół, to je òseł, a to kùm.
Nazôd: Òseł, kùm, aniół, wół, grósc je sanka, kùgla, danka, sniegòwô je smiota, Gwiôzdczi, dzôtczi, krótczé, dłudżé, to wilëjnô wieczerza.
To je Gwiôzdór, to je zwónk, to je miechùlc, a to bómk.
Nazôd: Miechùlc, bómk, Gwiôzdór, zwónk, òseł, kùm, aniół, wół, grósc je sanka, kùgla, danka, sniegòwô je smiota, Gwiôzdczi, dzôtczi, krótczé, dłudżé, to wilëjnô wieczerza.
To je môłé, to je wiôldżé, to na Gòdë są darënczi!
W nen redosny czas
Czej zbawieniô kwiat
Wëkwitô na Gòdë
Błogòsławiąc swiat
Z serca żëczã Wama
Òb rok całi i na wiedno
Wielu brzadnëch sztërków
Cëdownégò wëkwitaniô
Do żëczbów dołącziwóm môłi gòdowi polsko-kaszëbsczi słowôrzk:
bombka – kùgla
Boże Narodzenie – Gòdë, Bòżé Narodzenié
choinka – danka
czub – czëp
Gwiazdka – Gwiôzdka
Gwiazdor – Gwiôzdór, Gwiôzdor, Gwiôzdka
kolęda – kòlãda
kolędnicy – panëszczi, gwiôzdczi
łańcuch – lińcuch
pasterka – pastórka
prezent – darënk
święta – swiãta
Wigilia – Wilëjô, Wiliô, Gwiôzdka
życzenia – żëczbë