Cëż sã tacy w krëjamnym lese? – Bëlôk

Wëbrôl jem so w las… Nié, nié, tak zarô jô Wama nie rzekã dze jô bél, a co jem w nym lese widzôl. Wëzgódnijta 🙂

Hewò, jak tã duńc:

Nie mùszita zdrzec na STOP, le bez czile kilométrów stopkòwac bez strachù bez las…

Zadzëwòwóné bómë mdą sã na Waju zdrzelë…

że ne Waju drodżi są tak fest pòkrãconé…

Tak Wa trafita w môl, dze ju Werónka bëla…

Chtos wié? Jesz nié? Tej pò òdpòwiesc przewińta niżi…

Je to Diôbelsczi kam, zwóny téż Stojącym, co leżi w lese kòle Òdargòwa. Jô tã do niegò doszed òd stronë Łãtowiców. To mùszi z Krokòwë jachac na Gòszczëno, a tej zarôzka za Łãtowicama aùtół zaparkòwac, a kòle 2 kilométrë jic piechti bez las. Kam dozdrzita na grzëpiez lewi stronë. Przitką stegną mùszi do niegò pòdénc. Na grzëpie móże so sadnąc w drzewiany bùdze pòd dakã a òdpòczic. Nen kam miôl wedle legeńdë zdrzucëc diôbel na klôsztór w Żarnowcu… Kò za ną legeńdą to so ju mùszita pòsznëkrowac w Internetach 🙂

3 Replies to “Cëż sã tacy w krëjamnym lese?”

Fejn pòwiôstka, blus wisz, dlô starzeniôkow nen richtich kam je na “Czechach” 😉

Bùli, môsz të prôwdã… Ale ni miôj strachù, ò kamie z Czechów téż co napiszã 🙂

Jak to so gôdô z wesoka: MOROWO! 😉

Comments are closed.