Wtórk 5 maja 2015 rokù. Drzewiany kòscół w Serakòjach. Bënë młodzëzna z gimnazjum i spòdleczny szkòłë, dzecë z karna „Tuchlińskie Skrzaty”, përznã starszëch. Biją zwònë na 12. Zeszłëch witô a wëstawã pt. „To je krótczé, to je dłudżé…” òtmikô Emiliô Reclaf z Gminowégò Òstrzódka Kùlturë. Dzecë z Tëchlëna pëszno spiéwają. „Kaszëbsczé nótë” prezentëją w snôżi wersji. Miast „to je prosté, to je krzëwé” je „to je prosté, to je skòsné”. Tak trzëmac! Trójné dzãka Skrzatom! Dzãka wastnie Emilie i Irenie Kùlwikòwsczi – direchtorce GÒK w Serakòjcach. Dzãka Anie Dunst z Wëdôwiznë KPZ.
Wëstawã może òbzerac do kùńca maja latoségò rokù. Ksążkã ò Nótach jidze kùpic m.jin. w Serakòjcach, w wejrowsczim Mùzeùm, abò bez internet na starnie Kaszubska Książka.
Ekspònatë zaprezeńtowóné na wëstawie pòchôdają ze zbiérów:
Mùzeùm Kaszëbskò-Pòmòrsczi Pismieniznë w Wejrowie
Mùzeùm Kaszëbsczégò w Kartuzach
Mùzeùm Zapôdnokaszëbsczégò w Bëtowie
Warkòwniów Terapie Zajãcowi z Chmielna
Spòdleczny Szkòłë w Jeléńsczi Hëce
Tadeùsza Makòwsczégò
Rómana Kòtłowsczégò
Òsoblëwą pòdzãkã czerëjã do nëch wszëtczich, chtërny pòmôgelë mie w robòce kòl kaszëbskònótowi wëstawie, pisanim ë wëdanim ksążczi.
