Pùck XXII Swiatowi Zjôzd Kaszëbów

Jak to rzeklë ti wiesoli pùrtcë z Kabaretu Pùrtcë – pandemiô wzãla so ùrlop, temù téż Kaszëbi mòglë so 21 zélnika 2021 rokù spòtkac w Pùckù. Transcassubia bëla tak zapchónô, że w Redze, jak w japóńsczim metrze, nót bëlo lëdzy w banã na mòc wcëskac. W Pùckù jistno – hùrma lëdzy donąd a nazôd nëka pò  miesce, dze atrakcjów bëlo skòpicą. Dwie binë mùzyczné – na Rinkù a Zelony Plażë, a jesz jedna, lëterackô, kòl miesczi biblioteczi, në ë wôłtôrz w rëbacczi hôwindze. Do te móg zwiedzac wëstawë w Rôtëszu a Mùzeùm Pùcczi Zemi. Móg dobrze zjesc a kùpic ksążków a pamiątków jak wiele so chca. Móg téż, kùszkającë wãgòrza, jaczi przerzeszony je do beczczi w parkù kòl Miesczégò Ùrzãdë, òstac Fejn Kaszëbą… kò zadzëwòwónëch a zaczekawionëch Kaszëbama letników téż na latosym Zjôzdze bëlo dosc tëlé.

XXII Swiatowi Zjôzd Kaszëbów na plus! Brawò Pùck!
Hewò lopk òdjimków:

Lëteracczi Ògródk:

Chtëren chce Kaszëbą bëc
Mùszi wëbrac sã na Zjôzd
W Pùckù egzaminë zdac
Wãgòrzowi 
kùsa dac…

Donąd na nazôd òd Rinkù bez rëbackô hôwinga do Zelony Plażë::

A na Rinkù tuńcowanié wôłtôka:

Jo, a za rok Zjôzd w Brusach…

Òdjimczi móże scygac a kòpiowac, kò fejn bë bëlo pòdac chòc adresã negò bloga 😉

Òdjimczi, wiadla a czekawinczi z ùszlëch Zjazdów nalézeta TUWÒ

KRÒ: Zajc 2020–2021

Hewò stôro-nowi, pandemiczno-kąsk pòliticzny, zajcowò-jastrowi sztëczk krëjamnégò karna KRÒ (Kaszëbsczi Rock Òbrzãdowi):

Zajc 2020-2021

Sedzy zajc pòd czerzã w larwie
Zajiscony w wôżny sprawie.
Cëż to bãdze?! Cëż to bãdze?!
Rozniesc jajów nie je w sztãdze.

A ja jej, a ja jej,
            latos nie mdze
                        farwnëch jôj!

Òbleczony w mòro farwë
Tacą sã szandarzë wszãdze
Fùl robòtë mają rãce
Mańdat za mańdatã pãcô

A ja jej, a ja jej,
           latos nie mdze
                        farwnëch jôj!

Temù zajc, bë mógł w swiat jic
Flot zaPiSôł…
            flot zaPiSôł…
                        flot zaPiSôł sã do PiS

A ja jaje, a ja jaje
      nié le w Jastra
            taczé jaje!

Dëgù, dëgù, pò dwa jaja
A chto nie dô tegò prajã!

Gôdczi Mòrza karna KRÒ

Karno KRÒ (Kaszëbsczi Rock Òbrzãdowi) wcyg nagriwô… Hewò piesniô „Gôdczi Mòrza” apart nagrónô na platkã „Do Mòrza”, jaką zrëchtowelë Kaszëbskò-Pòmòrsczé Zrzeszenié a Radio Gdańsk. Zadrzi TUWÒ a TUWÒ
Teledisk zrealizowôl Piotr Zatoń na spòdlim sztëczków z filmù „Historie w sieci zaplatąne”.

Na youtubòwim karnylu karna KRÒ mòże jesz nalezc: Cyberkòlãda, Zjazdowé Nótë a Scynanié Kani.
A z tegò, co je wiedzec, to jesz nie je kùńc jich mùzyczi…

Cyberkòlãda

Hewò darënk na Gòdë a cali 2021 ro(c)k òd krëjamnégò karna KRÒ:


Jinszé piesnie karna KRÒ móżeta nalezc TU a TU.

Wszëtczégò bëlnégò na Gòdë a nowi rok!!!

Cyberkòlãda

Merry Christmas ùszë sztopie
Smartfón w paji, pilot w gôrscy
Retransmisjã z Narodzeniô
Zapòwiôdô Santa tłësti

Ref.     Tivi-Gòdë, cyber-Gòdë
Kùgle, danczi, biôłé brodë
Zwónczi, sónczi, reniferë
Mikòłajów tësąc sztërë!

Gòdné bitë, gòdné bajtë
Pò sécowim krążą niebie
Skąd cyfrowi pikselaniół
Na swiat sélô cyberżëczbë

Ref.     Tivi-Gòdë, cyber-Gòdë…

A jô bë tak òd Gwiôzdczi chcôł darënk
A jô bë tak brzadową zupã zjôdł
A jô bë tak pòd danką rôd so sôdł
A jô bë tak kòlãdã zaspiéwôł…

Ref.     Tivi-Gòdë, cyber-Gòdë…

Gwiżdż z Kamińcë Szlachecczi

Gwiżdż z pòmòcnikã w Kamińcë Szlachecczi, òdjimk: Angelika Szulfer

Na Kaszëbach na Wilëją darënczi dzecóm dôwô pòstacjô zwónô: Gwiôzdór, Gwiôzdka, Pani Gwiôzdka abò Panëszka. Przódë lat, w niejednëch môlach Kaszëbsczi, ju w adweńtowi czas, dodomë nawiedzywôl krëjamny Gwiżdż, chtëren zapòwiôdôl gwiôzdkã.

Dzysdnia Gwiżdża z pòmòcnikã mòże jesz pòtkac w Kamińcë Szlachecczi (gmina Stãżëca). Chòdzą òni tidzéń przed Wilëją pò dodomach, spisëją jaczé darënczi domôcy chcą dostac, a sprôwdzają czë wszëtcë są grzéczny.

Hewò tak ò ti pòstacji pisôl Andrzéj Bùkòwsczi:
Drugim zwiastunem zbliżania się świąt jest Gwiżdż albo Gwizd, jakaś tajemnicza postać, która w ciągu ostatnich kilkunastu dni Adwentu niepostrzeżenie chodzi wieczorami, skrada się pod okna. Nadsłuchuje, czy dzieci są grzeczne i przeciągle gwiżdże, wzbudzając postrach i zapowiadając w ten sposób, że niedługo, „gwiazdki” zaczną chodzić.
Zwyczaje kaszubskie w czasie Bożego Narodzenia, w: „Kaszuby”, nr 12/1936, s. 1.

Zôs Bernat Zëchta dôl taczi òpisënk:
Gwiżdż 1. ‘przewodnik oprowadzający gwiôzdkã i oznajmiający jej przybycie dzwonkiem lub gwizdaniem’
W Wygodzie i Chmielnie już trzy dni naprzód, w Żurominie nawet tydzień przedtem
gwiżdż òbchòdzy wies i gwizdaniem na piszczówce zapowiada odwiedziny gwiôzdczi, po czym wchodzi w dom i spisëje domôcëch ‘domowników’, szczególnie zaś dzecë. Zamiast ołówkiem posługuje się długim patykiem, skąd powstało tam przysłowie o kimś, kto niewyraźnie pisze: Ten tak pisze jak gwiżdż. Gwiżdż opuszczając chatę m.in. upomina starszëch, czyli rodziców (Wygoda):
A të òjcze, matkò, dzecë bróń,
Bò tu przińdze straszny kóń,
Bãdze skôkôł i wëwijôł,
I te môłé dzôtczi pòzabijôł!
(…) Strój
gwiżdża bywa różny. Najczęściej gwiżdż je òblokłi w kòżëch wëwrócony na rãbë, na głowie mô kapelusz, a w garscë trzimô krëkùlëcã.
Słownik gwar kaszubskich…, t. I, s. 395-6.

Za òdjimk a wiadla dzãkùjã Angelice Szulfer. A jak jesz ni môta pòdarków, tej wôrt kùpic co kaszëbsczégò z ji krómù FARWA.

ПЕСМИЦА ПРОТИВ КОВИДА

Bëla na piesniô na dzydniową chërã pò KASZËBSKÙ, bëla pò SLOWACKÙ, a terô je pò SERBSKÙ. Dolmaczënk zrëchtowôl drëch Kaszëbów Душан-Владислав Пажђерски.

То је кашаљ, кијавица,
ово пуна болница
и одвратна вештица.

Ово лице, оно нос.
Уз бурмут кијам
– добар штос.

Ево чешњак, ту је мед,
дај ми чаја – то је ред.

Ту су руке, пери их,
– за дуг живот, веруј ми.

Јер је најбоље на грип,
прати руке, то је хит.

Ко хоће да дуго живи,
купањем ће да се смири.

… a jakbë chto chcôl wicy pòznac serbsczi jãzëk, nen mòże sztudérowac gò na GDUŃSCZIM ÙNIWERSYTECE abò zapisac sã do SLAVË

PESNIČKA PROTI COVIDU

Koronavírus

Òbczas ùczbë slowacczégò jãzëka zrëchtowôl jem dolmaczënk Nót na dzysdniową chërã. Za pòmòc kòl dolmaczënkù dzãkùjã mòji szkólny Adrianie – je to nadzwëk dobrô a cerplëwô lektorka 🙂
Żlë bë chtos chcôl naùczëc sã slowacczégò, abò jinszégò slowiańsczégò jãzëkã (w tim téż kaszëbsczégò), bédëjã: Slava Centrum Języków Słowiańskich. Terôczas kùrsë prowadzoné są o-line.
Ùczącë sã slowacczégò pòmôgóm so òbzérającë bëlny karnyl na youtubie: Slovenčina ako cudzí jazyk, rôd téż czëtóm wpisënczi na blogach: Słowacki galimatias a PolishSlovak. Króm tegò czãsto òbzéróm telewizyjny turnér DUEL.  

Cali tekst Pesničky proti covidu pò slowackù nalézeta niżi / Celý text Pesničky proti covidu v slovenčine nájdete nižšie:    

Continue reading “PESNIČKA PROTI COVIDU”

Zjazdowô Piesniô Kaszëbów

W zélnikù 2020 rokù w jinternetach mia premiera Zjazdowô Piesniô Kaszëbów – szpòrtownô przeróbka „Kaszëbszich nótów” spiéwónëch na ôrt Reggae punk. Twórcama ny mowòmódny wersje „Nótów” je krëjamné karno KRÒ (Kaszëbsczi Rock Òbrzãdowi). Piesnie pòslëchac móże na jejich youtubòwim karnylu.

Malënczi do animòwónégò klipù zrëchtowa Asza Grudnik.

Ò „Kaszëbsczich nótach” a ji rozmajitëch wariantach móżeta pòczëtac w dzélu Kaszëbsczé nótë / Kaszubskie nuty
Zjazdowô Piesniô Kaszëbów to drëgô frańtówka, jakô je zrëchtowónô bez karno KRÒ. W czerwińcu w jinternetach pòkôza sã piesniô Scynanié Kani (Jidzemë z Kanią). Jak zapòwiôdają nôleżnicë karna, ju wnetk to dô do pòslëchaniô nowi sztëczk…

Pòdlaszczé wiwczasë

Chto chce spòkójno òdpòczic, niech le jedze na PòdlaszéDrohiczin, Biôlowiéża, Tëkòcëno, Supraszl, Kruszinianë, Grabôrka, Kòrëcënë, Soce, Kaniuczi, Stôré Maszewò – hewò pôrã pòzwów miast a wsów, jaczé wôrt òdwiedzec. Do te rozmajitosc religiów a jãzëków, pësznô roda, dobri lëdze a smacznô kùchniô.
Ò ny réze móżeta przeczëtac w séwnikòwi „Pomeranii”. Timczasã rôczã do òbezdrzeniô òdjimków: