Róman Drzéżdżón | Roman Drzeżdzon

Mdze co smacznégò do zjedzeniô, dô téż co do wëpicô, bãdze mógł co òbezdrzec a mùzyczi pòsłëchac… Nôdolé rôczi!

– Bzzzzy, bzzzzy, bzzzzzy – cos bzyknãło mie kòle ùcha. Machnął jem rãką òdnëkiwającé nôpiarti zwãk. Czej sã ùspòkòjiło zgaszëł jem wid, nacygnął na se kòłdrã, zamkł òczë a òdwrócëł na bòk, bë òddac sã w mòc kaszëbsczégò bóżka spikù – Grzeni. Nen ju wnetka miôł mie ùkòlibóné, czej zôs, ną razą głosni jak przódë, ùczuł jem bënë ùcha:
– Bzzzzy, bzzzzy, bzzzzy! Czëtôj wicy

Dlô nëch, co skùńczëlë 30 lat a jesz nie nalezlë swòji drëdżi pòłowë, kréwni abò drëchòwie robią z szôtorów pùpã. Dlô stôrëch kawalérów je to snôżô białeczka, dlô stôrëch brutków – pëszny chłop.
Pùpã robi sã nié le dlô szpòrtu, ale téż dlô zachãtë, bë „stôri” sã w żëcym za ną prôwdzëwą miłotą rozezdrzelë
Nen czekawi zwëk jesz tam-sam je na Kaszëbach kùltiwòwóny.
Na òdjimkù chłopskô pùpa dlô brutczi pòzwónô Frãc.
Wiôldżé dzãka dlô mòji drëszczi, chtërna prawie szukô za prôwdzëwim, bëlnym, fòrsz chłopã, nôlepi Kaszëbą, za pòzwòlenié òpùblikòwaniô òdjimka ji „bëńla”, jaczégò dostała na 30-té ùrodzënë.

Letnicë, chtërny tu do nas na Kaszëbë òb lato przëjéżdżiwają, rôd słëchają kaszëbsczi gôdczi. Czãsto òni mało z najégò gôdaniô rozmieją, ale ë tak sã ceszą, że mògą melodëji negò òsoblëwégò jãzëka pòsłëchac. Niechtërny nawetka chcą sã naji mòwë naùczëc. Taczima mòżemë zabédowac czile jãzëkòwëch cwiczënków. Czëtôj wicy

W piątk 13 zélnika 2010 r. w Kòscérznie òdbëłë sã XI Tardżi Kaszëbsczi ë Pòmòrsczi Ksążczi „Costerina”.
Westrzód nôdgrodzonëch ksążków béł téż mój zbiérk òpòwiescy ë wiérztków dlô dzôtków pt. Kòmpùtrowé krôsniã, jaczi dobëł III plac w kategòrie kaszëbsczi ksążczi.
Wëprzédnieniô dostôł téż Tómk Fópka za W jãzëk zgëldzony. Lëteracczé etiudë ë zbiérk pt. Rómka&Tómka kôrbiónka. Z felietónowi pòlëcë.
Lëstã wszëtczich nôdgrodzonëch nalézeta na starnie Miesczi Biblioteczi w Kòscérznie.

Hewò czile òdjimków:

Czëtôj wicy

– Donaldze! – grozno riknął, Brónk, wchôdającë bez klepaniô na dwiérze do gabinetu premiéra.
– Dze jes sã skrëł?! – Brónk nëkôł jak ògłëpiałi sznëkrëjąc pò wszëtczich nórtach za swòjim partijnym drëchã. – Jô wiém, że të tu jes. Wëchòdzë, ale ju.
Wtim skrzëpnãłë dwiérzë szafë, z chtërny wëkùknął ùrzasłi Donk.
– Móm ce! Jak ce VATnã jednégò, të, të… – Brónkòwi zafelowa słów, mòcë a kraftu. Sôdł zmarachòwóny na premiérowsczim zeslu, a łaskawò rzekł: Czëtôj wicy

Religijni, òbszczãdni, robòcy, zamkłi w se – taczé cechë charakteru wëmieni kòżden Kaszëba, gôdając ò swòjich domôcëch.
Kùliż w tim prôwdë? Cëż, chcemë sã tim najim cechòm charakteru przëzdrzec.
Czëtôj wicy

Òd 1 zélnika sztartëje kaszëbskô telewizjô CSB TV.
Ti chtërny chcą ną stacjã òbezdrzec mùszą wëbrac satelitã HOTBIRD 13E, wpisac czãstotlëwòsc 11,320 GHz, pionową pòlarizacjã V, SER 27500 ë FEC 3/4.

Wicy ò kaszëbsczi TV nalézeta tuwò

 Wicy na starnie: www.muzeumpuck.kaszubia.com

Na plażi w Karwi scësk. Cało kòl cała, białka z Kelców kòle chłopa z Katowic, dzeckò z Pòznaniô kòle dzecuszka z Biôłégòstokù, warszawiôk kòle Szlązaka, pòznaniôk kòle krakòwiaka. Leżą zewsządka zjachóny letnicë grzejącë swòje bladé celëszcza. Kòżden chce miec jak nôlepszi plac, nôczëstszi piôsk, nôblëżi wòdë leżëc. Co sztócëk czëc je stãkanié, rikanié, wrzeszczenié a diôbłowanié. Plażowô wòjna òb lato wcyg warô. Czëtôj wicy