Remùs mp3

Nen naj lëteracczi Remùs mô cë żëcé i przigòdë pò żëcym! Béł ju na papiórze, béł na binie, béł w zdrzélnikù, béł w eterze, béł na blëwiązce, béł w kòmpùtrze, béł téż w płënie… a terô mòże jegò nalezc na mp3. Chto chce w taczim fòrmace Remùsa miec mùszi przëjic rôczbã Kaszëbsczi Artisticzny Agencje z Chwaszczëna a zjawic sã na jedny z niżi pòdónëch promòcëjów:
13 séwnika 2011 r. – Bëtowò, gòdz. 5 pp – restauracjô “Jaś Kowalski”
18 séwnika 2011 r. – Kòscérzna, gòdz. 20 minut pò 4 pp – Rënk, òb czas jimprezë “Kaszëbsczé bajanié”
22 séwnika 2011 r. – Serakòjce, gòdz. 5 pp – kòscół sw. Môrcëna
5 rujana 2011 r. – Bólszewò, gòdz. 4 pp – Pùblëcznô Biblioteka Gminë Wejrowò m. Aleksãdra Labùdë.

Tã sã dowiéta co, jak, czemù tak a za wiele 🙂

 

Kaszëbskô pòézjô pò wãgerskù

Sznëkrëjącë pò jinternece trafił jem na wãgersczé dolmaczënczi kaszëbsczich pòeticczich dokôzów, m.jin.  Staszków Jana, Jana Trepczika, Alozégò Nôgla, Stanisława Janke. Westrzód nëch je téż jedna mòja wiérztka pt. Jô sedzã w mòjim ògrodze…
Hewò òna w wãgersczi gôdce:

A kertemben ülök…

A kertemben ülök
A fák között
És álomkép villant fel
A fejemben
Téged láttalak
S még mondanom kell
Hogy legyek a Te Világodban

Dolmaczënczi zrëchtowôł wãgersczi pòliglota István Dabi, a mòże je nalezc pò ną adresą: http://mek.niif.hu/07000/07000/07000.pdf

Pò kaszëbskù w pùcczim McDonald’s

W dniach 16 i 17 łżëkwiata w restauracje McDonald’s w Pùckù na szasém 10 Lutego 45 bãdze kònkùrs kaszëbsczégò jãzëka dlô dzecy ë młodzeznë. Ùczãstnicë bãdą mielë zaprezentowac krótczi dokôz pò kaszëbskù ë òdpòwiedzec na prosté pitaniô tikającé sã kaszëbsczi gôdczi.
16. (sobòta) w gòdzënach 9-12 rôczimë młodzeznã ze strzédnëch szkòłów ë gimnazjów.
17. (niedzela) w gòdzënach 10-13 rôczimë dzecë ze spòdlecznëch szkòłów.
Kònkùrs dozérac bãdze profesjonalné juri.
Dobëtnicë kònkùrsu dostóną wiele wôrtné nôdgrodë!
Serdeczno rôczimë.
Proszimë wzyc sobą szkòlné legitimacje.
Telefón do restauracje: 513 120 343

Biôtka na głosë

W sobòtã ò 8 wieczór nie zabôczta wësłac SMS-a na karno z Gdinie w programie Biôtka na głosë! Corôz lepi jima jidze, tej ni mô co scëskac dëtka w taszi le knypsac, knypsac…

„Cëchô” Nataliô

Piesnią „Cëchô wòda” Nataliô Szroeder dobëła program Szónsa na sukces, jaczi béł wëemitowóny 13 strëmiannika w TVP2. Gratulacëje!
Mëszlã, że cësk na rozsądzenié jury miało téż wëkònanié bez Nataliã piosenczi pò kaszëbskù ò brzózce.
Wëstãp Natalie mòże òbezdrzec tuwò.

Biôtka na głosë i Szansa na sukces

Biôtka na głosë i Szansa na sukces to je kaszëbskô sobòta i niedzela…
W sobòtã 12 strëmiannika karno spiéwôków pòd przédnictwã Maceja Miecznikòwsczégò z Pòbłocégò zaprezentëje sã w Biôtce na głosë. Pòczątk programù gòdz. 8 wieczór na TVP2. Żlë mdze Wama sã widzôł wëstãp naszich sélôjta SMS-ë!

Zôs w niedzelã 13 strëmiannika włączëta krajewą 2 ò 3.25. W programie Szansa na sukces wëstąpi Nataliô Szreoder z Parchòwa, chtërnô mdze spiéwa piesniã z repertuaru Marilë Rodowicz.

Jihaha

Kaszëbsczé Artisticzné Duò, to je Tómk Fópka ë Riszard Bòrisónk, wëdało swòją pierszą platkã pt. We Dwa Kònie. Do platczi na jaczi nalazło sã 29 piesniów, doparłãczonô je ksążeczka z tekstama, jilustrowónô òdjimkama Sławòmira Czaleja. Mie nôbarżi widzy sã piesniô Kaszëbi w Europie – je to czëstô prôwda ò dzysdniowim swiece. Bédëjã serdeczno.
Wëdôwcą platczi je Kaszëbskô Artisticznô Agencjô a nôgraniô zrëchtowało North Studio z Pôlczëna.
Wicy ò platce mòże przëczëtac tuwò